Maché an c'è pió religion:
giorne fa in television
a te veggh ma un tèl ch'vinceva
parchè già, cum s'dic, el vdeva
mal culor de cla bandira
ch'i t'è in molt' a fèj la mira
bianca e rossa fatta a scacch,
ch'par un ordin cert bislacch
el s'aferma e ‘l fa pasè
ma quell ch'niva dria d'sé.
Mè sel prém a ‘n ò capid
e acsé drenta a m'so' arabid;
"Vara un po'-a te déggh- putèna,
propi adess fnesc la benzéna!"
Mo prò dop, cum la s'è sparsa
la notizia de sta farsa,
ch'j à urdined: "T'à da fermè
ch'ogg an t'à da vencia tè",
a tal punt a m'so' schifid
ch'a m'so' dett:. "Mo an t'à capid
ch'an è pió na roba seria?
‘N val la pena, òrca miseria
d'stè ma la television:.
an c'è pió conpetizion!"
Ogg a jò mess gió la testa
quant è cménc sta corsa questa
par sgnachè na gran durmida.
Svegghj, a dmand. "Cum la jè gida?"
"Barichel…" mi moj la cmencia.
"Mo l'a vént o i l'à fatt vencia?!"
a j dmand mè tutt arabid
mentre lia la s'alza in pid.
Marcello Martinelli
|
Per Stampare Questo Articolo
